الشغل بعد التخرج

طبعا أكتر حاجه بتشغل تفكيرنا هي هنشتغل ايه بعد ما نتخرج من الكليه !!

وطبعا عارفين كمان ان العدد اللي بيتخرج من تجاره كل سنه بيبقي كبير وده بيقلل نسبه فرصة الفرد في الشغل بعد التخرج !! طيب نمشيها واحده واحده .. في الاول والآخر دي حاجه بتاعت ربنا بس احنا برضه لازم ناخد بالأسباب وعلشان كده لازم تتفوق علشان تلاقي الشغلانه اللي انت شايفها مناسبه ليك او اللي انت بتطمح ليها ، ودلوقتي هنعرفكم بمجالات العمل لكل قسم موجود عندنا في الكليه .. الكليه خمس اقسام ( محاسبه – إداره – احصاء – اقتصاد – تأمين ) اولا:(قسم المحاسبه): 1 - اذا طلعت الاول علي الدفعه او التاني بالكتير بتقدير عام لا يقل عن جيدجدا فانت كده هتتعين في الكليه وهتبقي معيد وبعدين تحضر دكتوراه وتبقي دكتور جامعي ان شاء الله 2- لو مكنتش الاول او التاني علي القسم بس جايب تقدير عالي فممكن تشتغل في بنك او شركه او الجهاز المركزي للمحاسبات 3- لو نجحت وتقديرك مش حلو فممكن تشتغل في مكتب محاسبه 4- لو نفس الحاله اللي فوق بس معاك فلوس ممكن ساعتها تفتح مكتب محاسبه لنفسك ويبقي بتاعك ثانيا : ( قسم الاداره ): 1- اذا طلعت الاول علي الدفعه او التاني بالكتير بتقدير عام لا يقل عن جيدجدا فانت كده هتتعين في الكليه وهتبقي معيد وبعدين تحضر دكتوراه وتبقي دكتور جامعي ان شاء الله 2- لو مش الاول ولا التاني فممكن تشتغل في بنك او شركه ثالثا: (قسم الاحصاء) : 1- - اذا طلعت الاول علي الدفعه او التاني بالكتير بتقدير عام لا يقل عن جيدجدا فانت كده هتتعين في الكليه وهتبقي معيد وبعدين تحضر دكتوراه وتبقي دكتور جامعي ان شاء الله 2- لو تقديرك عالي ومش الاول ولا التاني فممكن تشتغل في الجهاز المركزي للتعبئه العامه والاحصاء ، وفي شركات بتحتاج الاحصائيين 3- ممكن كمان تاخد دبلومه تربيه وتشتغل مدرس رياضه

رابعا: (قسم الاقتصاد) : 1- اذا طلعت الاول علي الدفعه او التاني بالكتير بتقدير عام لا يقل عن جيدجدا فانت كده هتتعين في الكليه وهتبقي معيد وبعدين تحضر دكتوراه وتبقي دكتور جامعي ان شاء الله 2- ولو مش الاول ولا التاني ممكن تشتغل في وزاره الماليه او الشركات المتعلقه بالاقتصاد خامسا : (قسم التأمين) : 1- اذا طلعت الاول علي الدفعه او التاني بالكتير بتقدير عام لا يقل عن جيدجدا فانت كده هتتعين في الكليه وهتبقي معيد وبعدين تحضر دكتوراه وتبقي دكتور جامعي ان شاء الله 2-ممكن كمان تشتغل في شركات التأمين واحيانا البنوك قطاع الائتمان

ده عرض للوظائف بعد التخرج ان شاء الله بس اهم حاجه في الدراسه خد كورس انجليزي كويس وكورس حاسب الى علشان من غيرهم تنسي الشغل اللي فوق ده خالص بنسبه 80% يعني اشتغل علي نفسك من سنه اولي من ناحيه المذاكرة علشان التقدير ، ومن ناحيه الانجليزي والكمبيوتر علشان الشغل ومحدش يضيع وقته